Serbiya prezidenti Aleksandr Vuçiç Kosovo və Metoxiyadakı serblərin nümayəndələri ilə görüşərək son durumu müzakirə edib.
Azpost.info xəbər verir ki, Vuçiç bu barədə sosial şəbəkədə videomüraciət yayıb.
Xalqa müraciətində prezident ümidvar olduğunu bildirib ki, serb xalqı öz köhnə ocağını qoruyub saxlayacaq.
“Biz serblərdən sülhü, sabitliyi və özlərini qorumalarını, həmçinin bir olmalarını xahiş edirik. Biz yalnız özümüzə məxsus olanı xilas etmək istəyirik, başqa heç nə…”, – Serbiya lideri bildirib.
O, serblərin bir xalq olaraq yetkinlik nümayiş etdirəcəklərinə və çoxəsrlik yurdlarını qoruyacaqlarına əmin olduğunu bildirib.
Qeyd edək ki, Serbiya prezidenti Aleksandr Vuçiçlə Kosovo Baş naziri Albin Kurti arasında aparılan danışıqlar nəticəsiz başa çatıb.
Avropa İttifaqının xarici işlər və təhlükəsizlik siyasəti üzrə Ali nümayəndəsi Jozep Borrel ötən həftə Serbiya və Kosovo arasında danışıqların aparıldığını açıqlamışdı. Borrel bildirmişdi ki, ciddi böhrandan qaçmaq üçün tərəflər noyabrın 29-dək razılığa gəlməlidir.
Azpost.info
