BMT Baş Assambleyası Malta, Mozambik, İsveçrə, Ekvador və Yaponiyanı Təhlükəsizlik Şurasının (TŞ) yeni qeyri-daimi üzvləri seçib.
Azpost.info xəbər verir ki, bu 5 ölkə İrlandiya, Norveç, Meksika, Keniya, Hindistanı əvəz edəcək və 2023-2024-cü illərdə TŞ-nin işində iştirak edəcək. Səsvermə zamanı 192 ölkə Mozambik, 190 ölkə Ekvador, 187 ölkə İsveçrəyə, 185 ölkə Maltaya, 184 ölkə Yaponiyaya səs verib. BMT Təhlükəsizlik Şurası 15 ölkədən ibarətdir. Onlardan 5-i veto hüququna malik daimi üzvlərdir – Böyük Britaniya, Çin, Rusiya, ABŞ və Fransa. 10 qeyri-daimi üzv iki il müddətinə seçilir ki, onlardan da 5-i hər il dəyişdirilir.
Azpost.info
