“BMT Təhlükəsizlik Şurasının daimi üzvlərinin statusu, o cümlədən veto hüququna yenidən baxılmamalıdır”.
Azpost.info xəbər verir ki, bunu Rusiya Təhlükəsizlik Şurasının sədr müavini Dmitri Medvedev özünün “Teleqram” kanalında yazıb.
“BMT Təhlükəsizlik Şurasının daimi üzvlərinin sayı artırıla bilər, lakin onların səlahiyyətləri toxunulmaz olmalıdır. Əks halda, BMT sistemli böhranla üzləşəcək və nəticədə təşkilat mərhum Millətlər Liqasının taleyini təkrarlayacaq”, – Medvedev hesab edir.
Onun sözlərinə görə, dünyada beynəlxalq mübahisələrin həlli üçün yeganə universal alət var. Bu, Birləşmiş Millətlər Təşkilatı və onun qəbul etdiyi fundamental sənədlərdir: “Alət universaldır, lakin mükəmməllikdən uzaqdır. BMT-nin beynəlxalq münasibətlərin əsas prinsipini – bütün dövlətlərin bərabərliyi və təkcə seçilmişlərin deyil, hər bir ölkənin mövqeyini dinləmək öhdəliyini saxlaması vacibdir”.
“Bəşəriyyət BMT olmadan da yaşaya biləcək. Tarixin çox hissəsində bu cür də olub. Lakin beynəlxalq hüquq sisteminin deqradasiyası mütləq gələcək və dünya təhlükəsizlik məsələlərində dar regional və ikitərəfli razılaşmalara qayıdacaq”, – Medvedev qeyd edib
Azpost.info
