BMT Təhlükəsizlik Şurası yanvarın 17-də Ukrayna ilə bağlı iclas keçirəcək.
Azpost.info xəbər verir ki, bu barədə Rusiyanın BMT-dəki daimi nümayəndəsinin birinci müavini Dmitri Polyanski məlumat verib.
Onun sözlərinə görə, iclas Moskvanın təşəbbüsü ilə təşkil olunur.
“Yanvarın 17-də müraciətimizə əsasən, BMT Təhlükəsizlik Şurasında iclas keçiriləcək. İclasda nələrin baş verəcəyi ilə bağlı təfərrüata varmayacağam”, – Polyanski “Teleqram”da yazıb.
Polyanski əlavə edib ki, yanvarın 20-də Rusiya Donbasın dekabrda atəşə tutulması ilə bağlı Təhlükəsizlik Şurasının qeyri-rəsmi iclasını keçirəcək: “Maraqlı məruzəçilər və faktlar olacaq. Çünki BMT Təhlükəsizlik Şurasının qeyri-rəsmi iclaslarında rəsmi iclaslardan fərqli olaraq foto və videomateriallar nümayiş etdirmək olur”.
Azpost.info