Bolt
“Bolt” bu gündən etibarən şirkətdə taksi kimi fəaliyyyət göstərən bütün “Toyota Corolla Fielder” markalı avtomobilləri komfort kateqoriyasından çıxarıb. AzPost-a bu barədə sürücülər məlumat verib. Bildirilir ki, uzun müddətdir qeyd olunan model komfort olaraq fəaliyyət göstərir.
Şirkət bu addımı nə üçün atdığını açıqlamayıb. Sadəcə proqramda bu model avtomobillərin sürücüləri üçün müvafiq kateqoriyanı deaktiv edib.
Qeyd edək ki, komfort kateqoriyası digərlərinə nisbətən daha bahalı xidmətdir. Sürücülərin buna üstünlük verməsi az səfər etməklə daha yüksək məbləğdə pul qazana bilmə imkanıdır.
Xatərladaq ki, bu gündən “Bolt” taksi şirkəti Azərbaycanda bir çox sürücünün taksi fəaliyyəti ilə məşğul olmasına qadağalar tətbiq edib. “Bolt” buna səbəb kimi həmin sürücülərin təlim sertifikatında uyğunsuzluqların aşkarlandığını göstərir. Bu səbəbdən sürücülərdən təlim sertifikatını yenidən təqdim etməyi tələb edir. Beləliklə, “Bolt” taksi şirkəti sertifikatsız sürücülərin hamısını bloklayıb və onlar hazırda taksi fəaliyyət göstərmək üçün tətbiqə daxil ola bilmirlər.
Qeyd edək ki, taksi minik avtomobilləri sürücüləri etik davranış və avtomobil nəqliyyatı ilə sərnişindaşımaları tənzimləyən normativ hüquqi aktlara dair xüsusi hazırlıq keçməlidirlər. Təlimləri müvəffəqiyyətlə bitirənlər şəhadətnamə əldə edirlər.
