Avropa İttifaqının (Aİ) xarici siyasət və təhlükəsizlik məsələləri üzrə Ali nümayəndəsi Jozep Borrel ruslara Şengen vizalarının verilməsinə tam qadağanın tərəfdarı olmadığını bildirib.
Azpost.info xəbər verir ki, Borrel bu təşəbbüsü çox ziddiyyətli adlandırıb.
O bildirib ki, bəzi ölkələr bu sahədə bir sıra tədbirlər görüb, digərləri isə buna dəstək verməyi planlaşdırmır. “Hesab edirəm ki, bütün rusların ölkəyə girişinə qadağa qoyulması yaxşı fikir deyil. Biz daha seçici olmalıyıq”.
Borrelin sözlərinə görə, iri rus sahibkarlarının Aİ-yə girişi qadağan edilməlidir. Eyni zamanda o xatırladıb ki, bir çox ruslar ölkəni tərk etmək istəyirlər və Aİ bu məqamı da nəzərə almalıdır: “Biz belə rusların üzünə qapını bağlaya bilmərik”.
Azpost.info
