Borrel Serbiya və Kosovo liderlərini Brüsselə danışıqlara dəvət etdi

Avropa İttifaqının (Aİ) xarici siyasət və təhlükəsizlik məsələləri üzrə Ali nümayəndəsi Jozep Borrel Serbiya prezidenti Aleksandr Vuçiçi və Kosovonun baş naziri Albin Kurtini Brüsseldə danışıqlara dəvət edib.

Azpost.info xəbər verir ki, Borrel görüşün tarixini avqustun 18-nə təyin edib.

“Mən Serbiya prezidenti Vuçiçi və Kosovonun baş naziri Kurtini Priştina və Belqrad arasında irəliləyiş yollarını müzakirə etmək üçün Brüsselə dəvət edirəm”, – Borrel “Tviter” hesabında yazıb.

Qeyd edək ki, iyulun 31-də Kosovonun şimalında yaşayan serblər üçün Serbiyada verilən şəxsi sənədlər və dövlət nömrə nişanlarına qadağa qoyması fonunda bölgədə gərginlik artıb.  Nəticədə Kosovada atışma və partlayış səsləri eşidilib. Sonradan Kosovo Serbiyada verilmiş sənədlərin qadağan edilməsi ilə bağlı proseduru sentyabrın 1-dək təxirə salıb.

Azpost.info

Əvvəlki məqalə

Londondakı səfirliyə hücumla bağlı cinayət işi açıldı –

Sonrakı məqalə

Bütün şəhər və rayonlarında məktəbəhazırlıq qrupları olacaq