Böyük Britaniya İrana yeni sanksiyalar tətbiq edib.
Azpost.info xəbər verir ki, bu barədə Britaniya hökumətinin saytında yayılan məlumatda bildirilir.
Məlumata görə, məhdudlaşdırıcı tədbirlərə dronların istehsalı və Moskvaya tədarükü ilə məşğul olan iranlı iş adamlarına və məmurlar məruz qalıb.
“The Guardian” yazır ki, sanksiyalar İranın pilotsuz uçuş aparatları üçün mühərriklər istehsal edən MADO-nun ortaq sahibi və idarəedici direktoru da daxil olmaqla, dörd iranlıya qarşı tətbiq edilib.
Britaniyanın xarici işlər naziri Ceyms Kleverli “Sky News”a açıqlamasında Kremlin İran pilotsuz təyyarələrindən istifadəsini pisləyib. Onun sözlərinə görə, Moskva ilə Tehran arasında razılaşmalar qlobal təhlükəsizliyi təhdid edir.
“Biz onların müttəfiqliyini hesaba çəkirik. Böyük Britaniya mülki hədəflərə zərbələrə cavab olaraq Rusiya və İrana qarşı sanksiyalar tətbiq edib”, – nazir bildirib.
Azpost.info
