G7 ölkələrinin maliyyə nazirləri 2022-ci il üçün Ukraynaya 24 milyard dollardan çox məbləğdə əlavə maliyyə dəstəyi verəcəklərini və lazım gələrsə, onu artırmağa hazır olduqlarını bildiriblər.
Azpost.info xəbər verir ki, bu barədə “Reuters” agentliyi məlumat yayıb.
Məlumata görə, nazirlər Rusiyanın beynəlxalq forumlarda, o cümlədən G20, Beynəlxalq Valyuta Fondu və Dünya Bankının bu həftə keçirilən iclaslarında iştirakından təəssüfləndiklərini bildiriblər: “Beynəlxalq təşkilatlar və forumlar Rusiya ilə öz işini həmişəki kimi aparmamalıdırlar”.
G7 üzvləri həmçinin Ukraynaya təcavüzü dayandırması üçün Moskvaya təzyiqləri davam etdirəcəklərini vurğulayıblar. Eyni zamanda, Rusiyanın müharibə xərclərini daha da artırmaq üçün koordinasiyalı fəaliyyət vəd ediblər.
Azpost.info
