Futbolçu Neymar Braziliyada 1 milyon dollar cərimələnə bilər.
Azpost.info bildirir ki, bununla bağlı Rio-de-Janeyronun bələdiyyəsi məlumat yayıb.
Rəsmi məlumatda deyilir ki, PSJ-nin forvardı Rio-de-Janeyrodan 130 kilometr aralıda yerləşən malikanəsi ətraf mühitin mühafizəsi orqanlarının icazəsi olmadan tikilib.
Məmurlar tikinti zamanı müxtəlif ekoloji pozuntular, o cümlədən su yolunun dəyişdirilməsi və çayın qarşısında icazəsiz hasar tikilməsini aşkar ediblər. Onlar həmçinin icazəsiz qazıntı işlərinin aparıldığını, torpaq, daş və qayaların yerinin dəyişdirildiyini, çimərlik qumundan icazəsi istifadəni qeydə alıblar.
“Növbəti addım aşkar edilmiş pozuntuların qiymətləndirilməsi və hesablamalara görə və ətraf mühitə dəymiş ziyan nəzərə alınmaqla, ən azı 5 milyon real (təxminən 1 milyon dollar) məbləğində cərimə tətbiq etmək olacaq”, – meriyanın ofisi bildirib.
Baxış zamanı futbolçunun atası Neymar Sr hadisə yerində olub. Yayımlanan videolarda o, məmurlarla mübahisə edib.
Azpost.info
