Ermənistan və Azərbaycan avqustun 31-də Brüsseldə ikitərəfli gündəliyin mühüm məsələləri ilə bağlı razılıq əldə edə bilməyib.
Azpost.info bildirir ki, bu barədə Ermənistanın Baş naziri Nikol Paşinyan Vladivastokda erməni icması ilə görüşü zamanı bildirib.
“Sizə deməliyəm ki, həmin görüş zamanı mühüm və bizi ən çox narahat edən məsələlər, xüsusən Qarabağ barədə ümumi razılıq əldə edə bilmədik. Amma digər tərəfdən Azərbaycan və Ermənistan sülhün əldə olunması üçün öz niyyətlərini ifadə etdilər”-deyə “Azatutyun” qəzeti Paşinyanın sözlərini açıqlayıb.
Baş nazirin sözlərinə görə, Azərbaycan hesab edir ki, Qarabağ problemi həll olunub və müzakirə etməyə heç birş şey yoxdur.
“Bizim mövqeyimiz isə Azərbaycanın mövqeyi ilə üst-üstə düşmür”-deyən Paşinyan bildirib ki, Moskva da bu məsələdə Bakının mövqeyini bölüşmür.
