“Qazaxıstanda planlaşdırılan prezident seçkiləri yeni məsuliyyətli prezidentlik ənənəsi yaradacaq”.
Azpost.info xəbər verir ki, bunu Qazaxıstan Prezidenti Kasım-Jomart Tokayev deyib.
Tokayevin fikrincə, bu ənənə ali hakimiyyətin müntəzəm olaraq dəyişməsi mexanizmini yaradacaq: “Noyabrın 20-də keçiriləcək seçkilərin nəticələri yeddi illik müddətlə məhdudlaşan məsuliyyətli prezidentliyin yeni siyasi ənənəsini bərqərar edəcək”.
Tokayevin fikrincə, bu ənənə hakimiyyəti inhisara almaq cəhdləri qarşısında sədd qoyacaq: “Beləliklə, biz siyasi sistemimizin əsas institutlarını yenidən işə salacaq və gücləndirəcəyik. Uzunmüddətli dövlət quruculuğu üçün dayanıqlı vektor təyin edəcəyik”.
Qeyd edək ki, Qazaxıstan əhalisi ilk dəfə olaraq səlahiyyət müddəti 7 il olan və yenidən seçilmək hüququ olmayan prezident seçəcək.
Azpost.info
