Rusiya Dövlət Dumasının MDB işləri, Avrasiya inteqrasiyası və həmvətənlərlə iş komitəsi sədrinin birinci müavini Konstantin Zatulin Ermənistana girişinə qoyulan qadağaya münasibət bildirib.
Zatulinin teleqram kanalında qeyd olunub ki, bu gün, oktyabrın 25-də Dövlət Dumasının deputatının rəsmi elektron poçtuna Ermənistanın Milli Məclisinin rəhbərliyi adından Zatulinin Ermənistan Respublikasına gəlməsinin “arzuolunmazlığı” barədə məktub gəlib.
“Sizin nəzərinizə çatdırırıq ki, təəssüf ki, Ermənistan Respublikası ilə bağlı son vaxtlar ictimai bəyanatlarınız dövlətlərimiz arasında dostluq və müttəfiqlik münasibətlərinin inkişafına xələl gətirir. Bu baxımdan, bundan sonra sizin Ermənistan Respublikasına səfəriniz arzuolunmaz hesab edilir”,- deyə məktubda qeyd olunub.
Zatulin bunu təhqiramiz addım kimi qiymətləndirib.
“Bu, bizim üçün qəfil oldu, Ermənistan Respublikası Milli Məclisinin xarici əlaqələr şöbəsinin müdirindən məktub aldıq. Bizə dedilər ki, mənim səfərim arzuolunmazdır və bəyanatlarım Ermənistan Respublikasına ziyandır”,- deyə ermənipərəst Zatulin bildirib.
