“Bugünkü çərçivə bəyannaməsi və təhlükəsizlik zəmanətləri güclü ikitərəfli öhdəliklərə qapı açacaq”.
Azpost.info xəbər verir ki, bunu Ukrayna prezidenti Vladimir Zelenski G7 ölkələrinin Kiyev üçün uzunmüddətli təhlükəsizlik zəmanətləri ilə bağlı bugünkü sənədini şərh edərkən deyib.
Zelenski sammitdə əldə olunan razılaşmaları “Ukrayna üçün son dərəcə zəruri və əhəmiyyətli uğur” adlandırıb: “G7 ölkələrinin təmin etdiyi uzunmüddətli təhlükəsizlik zəmanətləri Ukrayna üçün, xalqımız, uşaqlarımız üçün qələbədir”.
Lakin Zelenski onu da qeyd edib ki, Ukrayna üçün ən yaxşı təhlükəsizlik zəmanəti NATO-ya üzvlük olacaq: “Biz istərdik ki, onlar daimi olsunlar və Qərb ölkələri ilə əlaqələrimiz daha da möhkəmlənsin. Amma bir gün əvvəl NATO ölkələri bu prosesi asanlaşdırmaq üçün addımlar atsalar da, Ukraynanın alyansa daxil olması üçün konkret plan və şərtlər təqdim etməyiblər”.
Azpost.info
