“Azərbaycanfilm” kinostudiyasının həyətində qoyulmuş görkəmli yazıçı Cəfər Cabbarlının büstü bərbad hala düşüb.
AzPost bildirir ki, bu barədə Azərbaycan Kinematoqrafçılar İttifaqının məlumatında deyilir.
“Heykəltəraş Kamal Ələkbərovun müəllifi olduğu “Azərbaycanfilm” studiyasının həyətində yerləşən heykələ belə münasibət təkcə dahi dramaturqun ruhuna yox , həm də kinomuza olan münasibətdir”-deyə qurumun paylaşımında vurğulanır.
Məlumata görə kinostudiyanın əvvəlki rəhbərliyi mütəxəssis cəlb edərək abidənin bərpa işlərinin smetasını aidiyyəti orqana təqdim edib. Lakin Kinostudiya təsərrüfat hesablı olmasını səbəb gətirən aidiyyəti orqan bərpaya vəsait ayırmaqdan imtina edib.
