Noyabr ayında Nyu-Yorkda keçiriləcək “Sotheby’s” hərracında Pablo Pikassonun həyatının son iki onilliyində — 1960–1970-ci illərdə yaratdığı dörd rəsm əsəri satışa çıxarılacaq.
Azpost.info bildirir ki, bu barədə hərrac evinin mətbuat xidməti məlumat yayıb.
Ən bahalı lot “Çılpaq qadın və bayraqcıqlı kişi” adlı əsər olacaq. Rəsmin ilkin qiyməti 15–20 milyon dollar arasında müəyyənləşdirilib. Ondan sonra 10–15 milyon dollar dəyərində qiymətləndirilən “Cütlük” əsəri gəlir.
Digər iki əsər — “Rəssam və onun modeli” və “Nu” — xeyli aşağı qiymətləndirilir. Onların hər birinin 2,5–3,5 milyon dollara satılacağı gözlənilir.
Hərrac evi bildirir ki, kolleksiyaçıların əsas marağı iki ən bahalı əsərlə bağlıdır. Belə ki, bu rəsmlər 50 ildən çoxdur ictimaiyyətə nümayiş etdirilməyib və onilliklər ərzində şəxsi kolleksiyalarda saxlanılıb.
İyun ayında “Sotheby’s” Londonda keçirilən hərracda Pablo Pikassonun fotoqraf Dora Maarı təsvir edən rəsm əsərini 1,3 milyon funt sterlinqə (1,7 milyon dollar) satıb.
