İmon Holms
Britaniyanın məşhur teleaparıcısı İmon Holms canlı yayım zamanı qəfil yıxılması ilə gündəmə gəlib. AzPost xəbər verir ki, hadisə GB News kanalında yayımlanan “Eamonn və Ellie ilə səhər yeməyi” verilişi zamanı baş verib.
Verilişin gedişində aparıcı həmkarı Çarli Rouliyə söz verdiyi anda kreslosunda müvazinətini itirib və gözlənilmədən kadrdan itib. Ancaq Holms tezliklə kadra qayıdaraq vəziyyətinin yaxşı olduğunu bildirib və yayımın davam etməsini istəyib.
Hadisədən sonra efirdə altı dəqiqəlik reklam fasiləsi verilib. Reklamdan dönən Holms zarafatla özünü tənqid edərək, hələ sağ olduğunu qeyd edib. O, kreslonun təkərlərində problem olduğunu deyərək vəziyyəti yumorla qarşılayıb.
Xatırladaq ki, bu, İmon Holmsun son aylarda başına gələn ilk bədbəxt hadisə deyil. Belə ki, mayın 6-da aparıcı evində vanna otağında yıxılaraq xəstəxanaya yerləşdirilmişdi. O zaman da zarafatla qeyd etmişdi ki, bu, may bayramlarını qeyd etməyin ən uğursuz yoludur.
Hazırda Holmsun vəziyyəti qənaətbəxşdir və o, fəaliyyətini davam etdirir.
