Çempionlar Liqasının yarımfinalçıları məlum olub

Bu gün UEFA Çempionlar Liqasında dörddəbir final mərhələsinin cavab oyunları keçirilib.

Koronavirus pandemiyası səbəbindən İngiltərənin “Çelsi” klubu Portuqaliyanın “Portu” komandasını İspaniyadakı “Ramon Sançes Pisxuan” stadionunda qəbul edib. Oyunun sonuna əlavə olunan dəqiqlərdə “Portu” klubunun oyunçusu Mehdi Taremi baxımlı qola imza atıb. Oyun minimal hesabla başa çatıb (0:1). İlk qarşılaşmada “Çelsi” rəqibini 2:0 hesabla məğlub etdiyindən yarımfinala adlayıb.

Günün maraqla gözlənilən digər matçı “Bavariya” ilə “Paris Sen-Jermen” arasında baş tutub. İlk qarşılaşmada “Bavariya”nı 3:2 hesabı ilə üstələmiş “Paris Sen-Jermen” bu qarşılaşmada 0:1 hesabı ilə məğlub olub. Oyundakı yeganə qola 40-cı dəqiqədə Erik Maksim imza atıb. Əldə olunan qələbə “Bavariya”nın yarımfinala yüksəlməsi üçün kifayət etməyib.

Beləliklə “Çelsi” və “Paris Sen-Jermen” UEFA Çempionlar Liqasının yarımfinal mərhələsinə vəsiqə qazanıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Türkiyə ərazisində 5,1 bal gücündə zəlzələ baş verib

Sonrakı məqalə

İtaliyada son sutkada 476 nəfər koronavirusdan ölüb