“Çin hökuməti ölkədə yeni koronavirus dalğası ilə bağlı ABŞ-ın təklif etdiyi peyvənddən imtina edib”.
Azpost.info xəbər verir ki, bu barədə “Bloomberg” adı açıqlanmayan mənbəyə istinadən yazıb.
Agentlik qeyd edib ki, Vaşinqton dəfələrlə Pekinə COVID-19-la mübarizədə effektivliyini göstərən mRNA vaksinlərinin tədarükünü təşkil etməyi təklif edib, lakin Çin rəsmiləri hər dəfə bundan imtina ediblər.
Çinin Vaşinqtondakı səfirliyinin nümayəndəsi qeyd edib ki, Pekində hazırlanmış peyvəndlər yüksək effektivliyə malikdir və onların istehsalı ölkə dərmanlarının ixracı üçün imkanlar açır.
Eyni zamanda, Birləşmiş Ştatlar fərqli mövqe tutur və hesab edir ki, Pekinin imtinası Çin hakimiyyətinin yeni infeksiya epidemiyasının öhdəsindən təkbaşına gələ bilmədiklərini göstərmək qorxusu ilə bağlıdır.
Qeyd edək ki, ABŞ və Avropa İttifaqı COVID-19 alovlanmasının qarşısını almağa kömək etmək üçün Çinə pulsuz koronavirus peyvəndi təklif etmişdi.
Azpost.info
