Koronavirus təhlükəsi ilə əlaqədar Çinin Uhan şəhərindən təxliyyə olunan 6 Azərbaycan vətəndaşı üçün karantin mərhələsi başlayıb.
APA-nın yerli bürosundan verilən xəbərə görə, Azərbaycan vətəndaşları Ankara Zəkai Tahir Burak Qadın Xəstəlikləri və Araşdırma Xəstəxanasında 14 gün müddətində karantin şəraitində saxlanacaq.
Beləliklə, 14 gün ərzində 3 gündən bir müayinə edilən həmin şəxslər üçün təkadamlıq otaqlar ayrılıb. Xəstəxanadakı tibbi heyət və hətta xəstəxananı mühafizə edənlər belə xüsusi geyim və maskalarla təmin olunub.
