ABŞ və Çin alimləri havanın keyfiyyəti ilə cəmiyyətdə intiharların səviyyəsi arasında əlaqəni üzə çıxaran araşdırma aparıblar.
Azpost.info xəbər verir ki, bu barədə “Nature Sustainability” nəşri yazıb.
Məlum olub ki, havanın çirklənmə səviyyəsinin yüksək olduğu dövrlərdə intiharların da sayı artıb. Sən demə, hava kirliliyinin psixi sağlamlığa təsiri var.
O da məlum olub ki, Çində hava çirkliliyini azaltmaq səyləri 5 il ərzində 46 min intiharın qarşısının alınmasına təsir göstərib.
“Əvvəllər havanın çirklənməsi problemi tez-tez fiziki sağlamlıq üçün təhlükə olaraq görülürdü, lakin yeni araşdırmalar çirklənmənin psixi sağlamlığa təsirini ortaya qoyur. Çində intihar nisbətləri hava çirkliliyinin azalması ilə paralel olaraq azalır. Bu, mümkün səbəb-nəticə əlaqəsi haqqında müzakirələrə səbəb oldu. Havanın çirklənməsinin intihar hallarına təsirini müəyyən etmək üçün hava şəraiti ilə bağlı məlumatlardan istifadə etdik və onu insanların davranışlarına təsir edən digər amillərdən ayırdıq. Araşdırma nəticəsində məlum oldu ki, havanın çirklənməsinin yüksək olduğu dövrlərdə intihar nisbətləri əhəmiyyətli dərəcədə artır”, – Kaliforniya Universitetinin professoru Tamma Karlton bildirib.
Azpost.info
