Conson BMT baş katibinə Moskvanın təcavüzkar olduğunu deyib

Britaniya baş naziri Boris Conson BMT baş katibi Antonio Quterreşlə Ukraynanı müzakirə edib.

Azpost.info xəbər verir ki, bu barədə Britaniya hökuməti məlumat yayıb.

Telefon söhbətinin əsas mövzusu Mariupol əhalisinə humanitar yardımın göstərilməsi olub. Tərəflər Mariupol və Xerson kimi Rusiya qüvvələri tərəfindən mühasirəyə alınan ərazilərə hücumlarla bağlı ümumi narahatlıqlarını ifadə ediblər. Atəşkəsin təmin edilməsi, humanitar səylərin təşviqi və mülki şəxslərin oranı tərk etməsinə icazə verilməsinin vacibliyinə toxunublar.

Conson Rusiya prezidenti Vladimir Putinin Ukraynadakı hərəkətlərini açıq təcavüz adlandırıb. “Baş nazir qlobal həmrəyliyin zəruriliyini açıq şəkildə bildirib və əlavə edib ki, Britaniya Ukraynaya dəstək üçün beynəlxalq tərəfdaşlarla yaxından işləməyə davam edir”, – məlumatda bildirilir.

Azpost.info

Əvvəlki məqalə

Azərbaycan hərbi xərclərə görə dünyada beşinci yeri tutur –

Sonrakı məqalə

Rusiyanın Vnukovo aeroportu boşdayanma rejiminə keçib