Rusiya Təhlükəsizlik Şurasının sədr müavini Dmitri Medvedev Fransa lideri Emmanuel Makronu “Krokus”da törədilən terror aktını maliyyələşdirməkdə ittiham edib.
Azpost.info xəbər verir ki, o, Telegram kanalında yazıb ki, Makronun sözləri və hərəkətləri onun faciədə iştirakını sübut edir.
Medvedevin sözlərinə görə, Makron o qədər qorxuya düşüb ki, tabeliyində olanlar vasitəsilə Parisin terror aktında iştirakını inkar etməli olub.
O əlavə edib ki, Fransa prezidenti ilə yanaşı, daha bir neçə Qərb lideri faciənin sponsorları olub: “Aydındır ki, Makron və bir sıra digər Qərb liderləri bu dəhşətli terror aktının sponsorlarıdır. Bunun əfvi yoxdur”.
Aprelin 4-də Sergey Şoyqu fransalı həmkarı ilə telefon danışığı zamanı “Crocus City Hall”da terror aktını müzakirə edib. Söhbət zamanı o, bu cinayətin arxasında Fransa xüsusi xidmət orqanlarının olmadığına ümid etdiyini bildirib.
Azpost.info
