Dağıstanda yanacaqdoldurma məntəqəsində ardıcıl partlayış baş verib.
Azpost.info bildirir ki, bu barədə rus teleqram kanalları məlumat yayıb.
Dağıstanın Novı Xuşet kəndi yaxınlığındakı yanacaqdoldurma məntəqəsində baş verən partlayışda həlak olanlar var. azı 5 nəfər xəsarət alıb.
Dağıntılar altında insanlar qalıb. Qurbanların sayının da artacağı ehtimal edilir. Hadisə yerinə 10-dan çox təcili yardım briqadası gəlib.
Ərazidə işıq sönüb. İlkin məlumata görə, partlayış yanacaq tankerində iş zamanı baş verib.
**
Yeni məlumata görə, partlayış benzinin yanması nəticəsində baş verib.
Biri uşaq olmaqla beş nəfər ölüb. Bir uşaq da daxil olmaqla 11 nəfər yaralanıb.
Müstəntiqlər kimin – işçinin yaxud yanacaqdoldurma məntəqəsinə gələn müştərinin günahkar olduğunu öyrənməli olacaqlar.
Rusiya Federasiyası Cinayət Məcəlləsinin 219-cu maddəsi -“Ehtiyatsızlıqdan iki və ya daha çox şəxsin ölümünə səbəb olan yanğın təhlükəsizliyi tələblərinin pozulması” üzrə cinayət işi açılıb.
Mahaçqalada yanacaqdoldurma məntəqəsində baş verən partlayışlara görə məsuliyyət daşıyanları 7 ilə qədər həbs cəzası gözləyir.
