Dağıstanın keçmiş idman naziri Maqomed Maqomedov “Matrosskaya Tişina” istintaq təcridxanasında intihara cəhd edib. O, çoxsaylı yaralarla Sklifosovski adına Elmi-Tədqiqat İnstitutuna aparılıb.
Azpost.info bildirir ki, bu barədə “Kommersant”, “İzvestiya” və “Moskovski Komsomolets” yazıb.
Maqomedov ötən ilin oktyabrında çoxmilyonlu büdcə vəsaitlərinin mənimsənilməsi işi üzrə həbs edilib.Məlumata görə, Maqomedov intihara cəhd edib. MK yazır ki, o, şənbə günü, iyulun 20-nə keçən gecə “intihara cəhdə xas xəsarətlərlə” öz kamerasında tapılıb. “İzvestiya” xəbər verir ki, söhbət bilək nahiyəsində olan yaralardan gedir.
