Daha bir neçə Avropa ölkəsi “AstraZeneca” peyvəndinin vurulmasını dayandırıb

Fransa Prezidenti Emmanuel Makron ölkəsində “AstraZeneca” peyvəndinin Avropa Əczaçılıq Agentliyinin verdiyi qərara qədər dayandırıldığını deyib. 

TASS xəbər verir ki, İtaliyanın Dərman Agentliyi də oxşar məlumat yayıb. Agentlik Siciliya adasında “AstraZeneca” peyvəndindən sonra 3 ölümün qeydə alınmasından sonra belə bir qərar verib.

İspaniya hökumətinin başçısı Pedro Sançes, öz növbəsində, ölkənin səhiyyə orqanlarının vəziyyəti təhlil etməyə davam etdirdiklərini və yaxın gələcəkdə məsələ ilə bağlı açıqlama verəcəyini söyləyib.

Almaniya Səhiyyə Nazirliyi də ölkədə “AstraZeneca” peyvəndindən istifadənin dayandırıldığını elan edib. Səhiyyə Naziri Yens Şpan belə bir açıqlama ilə çıxış edib. Nazir deyib ki, Almaniyada “AstraZeneca” peyvəndindən sonra 7 qan laxtalanması hadisəsi qeydə alınıb.

Danimarka, İslandiya, İrlandiya, Norveç və Hollandiya da daxil olmaqla bir sıra digər Avropa ölkələrində də sözügedən peyvənddən istifadə müvəqqəti olaraq dayandırılıb.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Teymur Rəcəbov və Şəhriyar Məmmədyarov “səkkizliy”ə düşə bilməyib

Sonrakı məqalə

Prezident İlham Əliyev Azıx mağarasında –