“İspaniya və Niderland müttəfiqlərinə qoşularaq Ukraynanı “Leopard” tankları ilə təmin edəcək”.
Azpost.info xəbər verir ki, bu barədə “Reuters” İspaniya müdafiə naziri Marqarita Robles və Niderlandın Baş naziri Mark Ryuggeyə istinadən yazıb.
“Niderlandın dəstəyi lazımdırsa, biz bunu etməyə hazırıq”, – Baş nazir bildirib.
İspaniya müdafiə naziri Robles də ölkəsinin Qərb müttəfiqləri ilə ortaq şəkildə hərəkət edəcəyini deyib. Nazir xatırladıb ki, hazırda Madriddə 108 “Leopard 2A4” tankı var.
Qeyd edək ki, Almaniya hökuməti Ukraynaya “Leopard 2” tankları göndərəcəyini rəsmən bəyan edib. Almaniya “Leopard 2”ni Ukraynaya göndərmək istəyən tərəfdaş ölkələrə də icazə verəcək.
Azpost.info
