“İrəvan üçün Azərbaycan qoşunlarının ilkin mövqelərə çəkilməsi ilə bağlı Rusiyanın aydın mövqeyi vacibdir”.
Azpost.info xəbər verir ki, bunu Ermənistan Baş naziri Nikol Paşinyan Soçidə Rusiya prezidenti Vladimir Putinlə görüşündə deyib.
“Rusiyanın Azərbaycan qoşunlarının 2021-ci il mayın 11-dəki mövqelərə çəkilməsinin zəruriliyi ilə bağlı dəqiq mövqeyi Ermənistan üçün vacibdir”, – Paşinyan bildirib.
Sərhədlərin delimitasiyası və demarkasiyasına gəldikdə, Paşinyan qeyd edib ki, ilk növbədə, sərhəddə sabitlik və təhlükəsizlik səviyyəsini artırmaq üçün mexanizmlər yaratmaq lazımdır.
“Rusiyanın mövqeyi ondan ibarət idi ki, delimitasiya komissiyasının yaradılması özü sərhəd təhlükəsizliyi mexanizminə çevriləcək. Biz bu mövqeyi bölüşməmişik, lakin sonda strateji müttəfiqimiz olan Rusiyanın şərhinə bel bağlamaq qərarına gəlmişik”, – Paşinyan əlavə edib.
Azpost.info
