“Demokratiyamız bədxah qüvvələrin nişangahındadır”- Britaniya müdafiə naziri

Dünya Rusiyanın Ukraynaya təcavüzü və digər avtoritar ölkələrin hərəkətləri səbəbindən müharibə öncəsi dövrə qədəm qoyub.

Azpost.info xəbər verir ki, bunu Britaniya müdafiə naziri Qrant Şapps bildirib.

“Biz müharibədən sonrakı dünyadan müharibədən əvvəlki dünyaya keçdik. Rusiya qonşularımızı hədələyir. Çin getdikcə daha aqressivləşir. İran Yaxın Şərqdən Yəmən boğazlarına qədər regional xaosa səbəb olmaq üçün nəzarətindəki qüvvələrdən istifadə edir. Şimali Koreya isə daima nüvə qılıncını yellədir. Bu bədxah qüvvələr getdikcə daha çox birləşir və demokratiyamız onların nişangahındadır”, – Şapps deyib.

Onun sözlərinə görə, bunun fonunda Şimali Atlantika Alyansı ölkələri ümumi müdafiə qabiliyyətini gücləndirməli və müdafiə xərclərini ÜDM-in 2 faizinə çatdırmalıdır.

“Lakin bəzi ölkələr hələ də 2 faizə çata bilmir. Bu davam edə bilməz. Bizim gələcəyimizlə oyun oynamağa imkanımız yoxdur”, – Şapps bildirib.

Azpost.info

Əvvəlki məqalə

Ermənistanı dəqiq mina xəritələrini Azərbaycana verməyə çağırırıq

Sonrakı məqalə

Bakı Oksford Məktəbi müsadirə olunub