2020-ci il fevralın 9-da Azərbaycanda keçirilmiş parlament seçkilərində namizəd kimi qatılanlara kompensasiya ödəniləcək.
Avropa İnsan Hüquqları Məhkəməsi (AİHM) belə qərara gəlib.
Qərara görə, maddi və mənəvi zərər əvəzi Qorxmaz İbrahimliyə 4 min 500 avro, Rəfail Zeynalzadəyə isə 4 min 750 avro ödənilməlidir.
Hər iki şəxs iddia olunan seçki pozuntularına effektiv baxılmamasından AHİM-ə şikayət göndərib.
Tərəflər hər iki ərizənin kommunikasiyası zamanı dostca anlaşıblar.
2020-ci ildə Azərbaycanda Milli Məclisə VI çağırış seçkiləri keçirilmiş, hakim Yeni Azərbaycan Partiyası (YAP) 70 mandat qazanmışdı.