DİN Bakının Fəvvarələr Meydanında bu gün keçirilmiş etiraz aksiyası ilə bağlı məlumat yayıb.
“Bu gün bir qrup şəxs Səbail rayonundakı Fəvvarələr Meydanında aksiya keçirib. Aksiya zamanı heç bir insident qeydə alınmayıb. Bəyanat oxunuşu ilə başa çatan aksiyada saxlanılan olmayıb”-deyə mətbuat xidmətinin açıqlamasında bildirilir.
Aksiyanın təşkilatçıları etirazın səbəbi kimi bəzi jurnalistlərə və ictimai-siyasi fəallara qarşı törədilən zorakılıq hallarının üstünün açılmamasını göstəriblər.
