Həkimlər
Alimlər diş ətinin sağlamlığı ilə beyin fəaliyyəti arasında birbaşa əlaqə olduğunu müəyyən ediblər.
AzPost xəbər verir ki, Cənubi Karolina Universitetinin alimləri tərəfindən aparılan yeni araşdırmaya əsasən, diş əti iltihabı olan insanlarda insult riski və beyin toxumasında zədələnmələr daha çox qeydə alınıb.
Tədqiqatın nəticələri “Neurology Open Access” jurnalında dərc olunub. Məlumata görə, araşdırmada orta yaşı 77 olan 1143 nəfər iştirak edib. Onların diş müayinəsindən sonra 800 nəfərdə diş əti xəstəliyi aşkar edilib.
MRT nəticələri göstərib ki, diş ətində iltihab olan şəxslərin beyinlərinin ağ maddəsində zədələnmələrin orta göstəricisi 2,83%, sağlam diş ətinə sahib olanlarda isə 2,52% təşkil edib.
Risk faktorları nəzərə alındıqdan sonra məlum olub ki, diş əti xəstəliyindən əziyyət çəkən insanlarda beyin zədələrinin yaranma ehtimalı 56% daha yüksəkdir.
Tədqiqatın müəllifi, professor Suvik Sen bildirib ki, ağız sağlamlığı ilə beyin sağlamlığı arasında çox sıx əlaqə mövcuddur.
