“Dünya birliyi Ukraynanın nüvə silahına sahib olmasına imkan verməməlidir”.
Azpost.info xəbər verir ki, bunu Rusiya Xarici Kəşfiyyat Xidmətinin rəhbəri Sergey Narışkin bildirib.
“Dünya indiki Kiyev rejiminin nüvə silahına sahib olmaq istəyini Zelenskinin Münhendə təhlükəsizlik konfransında çıxış etdiyi gündən bəri görür. Artıq o zaman onun nüvə silahına sahib olmaq ambisiyaları aydın idi”, – Narışkin deyib.
O, həmçinin qeyd edib ki, Rusiya Qərbin kütləvi qırğın silahlarından istifadə ehtimalı ilə bağlı ritorikasından çox narahatdır və bunu qəbuledilməz sayır.
Narışkin Karib böhranını da xatırladıb. O hesab edir ki, 1962-ci il böhranı fövqəldövlətlərin liderlərinə kompromislər axtarmağı öyrətməli idi: “Karib böhranının dərsləri ondan ibarətdir ki, siyasi liderlər qlobal problemlərin həllində kompromis tapmaq üçün özlərində güc tapmalıdırlar. Bu kompromis bu gün də lazımdır. Tarixin dərslərini öyrənmək lazımdır”.
Azpost.info
