Gənclər və yeniyetmələr arasında artıq çəki problemi bütün dünyada getdikcə aktuallaşır.
“İzvestiya” qəzeti yazır ki, ekspertlər həyəcan təbili çalmağa başlayıblar.
Hazırda Rusiyada ən azı 50 milyon vətəndaş piylənmədən əziyyət çəkir. Bu siyahının əksəriyyəti gənclərdir. Bu məlumatı Rusiya Səhiyyə Nazirliyinin Milli Tibbi Tədqiqat Endokrinologiya Mərkəzinin direktoru Natalya Mokrışeva səsləndirib.
Eyni zamanda həkimlər 5 milyon gəncdə 2-ci tip şəkərli diabet xəstəliyini qeydə alıblar. Bu rəqəm eyni zamanda həm rekord, həm də qorxulu hesab olunur.
Əvvəllər həkimlər bu xəstəliyi “qocalıq epidemiyası” hesab edirdilər. Lakin indi vəziyyət dəyişib.
“Budu medtech” xidmətinin dietoloqu Natalya Qridina Ümumdünya Səhiyyə Təşkilatının hesablamalarını açıqlayıb. Analitiklərin fikrincə, dünyada bir milyarddan çox gənc piylənməyə meyllidir. Bu xəstəlik ildən-ilə daha da gəncləşir.
Azpost.info
