İqlim dəyişiklikləri təkcə havaların istiləşməsi ilə məhdudlaşmır. Son araşdırmalar göstərir ki, Yer kürəsində içməli su ehtiyatları da sürətlə azalır və bu proses gələcəkdə milyonlarla insan üçün ciddi problem yarada bilər.
Ekspertlərin fikrincə, buzlaqların əriməsi, uzunmüddətli quraqlıqlar və əhalinin artması şirin su ehtiyatlarına böyük təzyiq göstərir.
BMT-nin hesablamalarına görə, yaxın onilliklərdə milyardlarla insan su qıtlığı ilə üzləşə bilər.
Mütəxəssislər bildirirlər ki, su ehtiyatlarının qorunması üçün kənd təsərrüfatında müasir suvarma sistemlərinə keçid, yağış sularının toplanması və çayların çirklənməsinin qarşısının alınması vacibdir.
Ekoloqlar hər bir vətəndaşı da suya qənaət etməyə çağırırlar. Kranın lazımsız açıq saxlanılması, avtomobillərin həddindən artıq yuyulması və həyətlərdə israfçılıq gələcəkdə ciddi problemlərə səbəb ola bilər.
Ekspertlərin fikrincə, su artıq XXI əsrin ən strateji sərvətlərindən birinə çevrilib.
