“Dünyadakı bütün böhranların günahkarları bunlardır”, –Volodin siyahını açıqladı

Rusiya Dövlət Dumasının spikeri Vyaçeslav Volodin Rusiyaya dost olmayan və ən çox sanksiya tətbiq edən ölkələrin siyahısını açıqlayıb.

Azpost.info xəbər verir ki, bu barədə o, “Teleqram”da yazıb. Volodinin siyahısı ABŞ, Kanada, İsveçrə, Böyük Britaniya, Avropa İttifaqı (27 ölkə), Avstraliya və Yaponiyanı əhatə edir. O, ölkələri Rusiyaya qarşı tətbiq etdikləri sanksiyaların sayına görə sıralayıb. “Bu dövlətlər Rusiyaya qarşı qeyri-qanuni sanksiyalar tətbiq etməklə enerji və ərzaq qiymətlərinin artmasına səbəb olublar. Bütün dünyada mövcud problemlərin və qarşıdan gələn böhranların əsas günahkarları bunlardır”, – Volodin yazıb. Eyni zamanda o, fevralın 24-dən – Rusiyanın Ukraynada hərbi əməliyyatı başlayandan sonra sanksiyaların sayında kəskin artım olduğunu bəyan edib. Sanksiyaların sayı bu tarixdən əvvəl 2754 olubsa. indi 10536-dır.

 

Azpost.info

Əvvəlki məqalə

Sabaha olan hava proqnozu

Sonrakı məqalə

Qarabağda bərpası nəzərdə tutulan abidələrin siyahısı açıqlanıb