Dünyanın 500 ən varlı adamı 2022-ci ilin əvvəlindən 1,4 trilyon dollar itirib.
Azpost.info xəbər verir ki, “Bloomberg” bunu “Milyarderlər indeksi”nin məlumatlarına istinadən yazıb.
Ən böyük itkini “Binance” kriptovalyuta birjasının qurucusu Çanpen Çjao yaşayıb. O, “Bloomberg” milyarderlərinin ümumi reytinqində 190-cı yerdədir və ilin əvvəlindən 85,6 milyard dollar itirib. Agentlik onun sərvətini 10,2 milyard dollar qiymətləndirir.
İtkilərə görə ikinci yerdə “Tesla” və “Space X” şirkətlərinin qurucusu İlon Mask qərarlaşıb. Onun sərvəti 73,2 milyard dollar azalıb. “Amazon”un qurucusu Ceff Bezos 65,3 milyard dollarlıq itki ilə üçüncü yerdədir.
“Meta” şirkətinin rəhbəri Mark Zukerberq 64,4 milyard dollar itirərək 4-cü yerdə qərarlaşıb.
Beşinci yerin sahibi ilin əvvəlindən 56,8 milyard dollar itirmiş “Louis Vuitton Moët Hennessy” qrupunun prezidenti Bernar Arnodur.
Rusiyalı milyarderlər arasında ilin əvvəlindən ən böyük itki yaşayanlar NOVATEK-in rəhbəri Leonid Mixelson (7,29 milyard dollar), “Severstal”ın sahibi Aleksey Mordaşov (7,4 milyard dollar), NOVATEK və “Sibur” şirkətlərinin direktorlar şurasının üzvü Gennadi Timçenko (7,37 milyard dollar) olub.
“Bloomberg”in hesablamalarına görə, “Çelsi” futbol klubunun keçmiş sahibi Roman Abramoviç ilin əvvəlindən 5,85 milyard dollar itirib.
Azpost.info
