Şimali Koreya ABŞ Nümayəndələr Palatasının spikeri Nensi Pelosinin KXDR və Cənubi Koreya sərhədindəki demilitarizasiya zonasına səfərinə sərt reaksiya verib.
Azpost.info xəbər verir ki, Xarici İşlər Nazirliyinin departament direktoru Ço Yonq Sam səfərin Vaşinqtonun düşmənçilik siyasətinin təzahürü olduğunu deyib.
Diplomat bildirib ki, səfər zamanı Pelosi Cənubi Koreya hakimiyyəti ilə Şimali Koreyadan gələn təhlükəyə cavab olaraq genişləndirilmiş çəkindirmə barədə danışıb və hətta Pxanmuncom Birgə Təhlükəsizlik Zonasına baş çəkib.
“Pxenyan hesab edir ki, bu, indiki ABŞ administrasiyasının KXDR-ə qarşı düşmənçilik siyasətindən xəbər verir”, – XİN rəsmisi deyib.
Azpost.info
