Roma Papası Fransisk Kanadaya planlaşdırılan səfərindən sonra Rusiya və Ukraynaya getmək istədiyini deyib.
Azpost.info xəbər verir ki, Papanın fikrincə, yardımçı ola bilmək üçün ilk növbədə Rusiyaya getməlidir.
“Əvvəlcə Moskvaya getmək istərdim. Biz Rusiya ilə bu barədə söhbət apardıq. Düşünürdüm ki, Rusiya prezidenti sülh işinə xidmət etmək üçün mənə kiçik bir fürsət verə bilər… Bəlkə də Kanadadan qayıtdıqdan sonra gedə biləcəyəm. İlk iş hansısa şəkildə kömək etmək üçün Rusiyaya getməkdir. Lakin mən hər iki paytaxta səfər etmək istərdim”, – Papa “Reuters”ə müsahibəsində bildirib.
O əlavə edib ki, Ukraynadakı hərbi əməliyyatı açıq şəkildə pisləyir.
Azpost.info
