Dövlət Dumasının spikeri Vyaçeslav Volodin “xarici agent” elan edilmiş mədəniyyət xadimlərinə müəllif hüquqları ilə bağlı ödənişlərin qadağan edilməsini təklif edib.
Azpost.info bildirir ki, o bu barədə Telegram kanalında sorğuya başlayıb.
“Xaricdə yaşayan və ölkəmizə çamur atan rəssamlara, musiqiçilərə, yazıçılara ödənişlərin qanunvericiliklə qadağan edilməsinin tərəfdarısınızmı?” — Volodin abunəçilərindən soruşub.
Siyasətçi üç cavab variantı təklif etdi: “bəli”, “yox” və “mənim üçün fərqi yoxdur”.
Prezident Putin bundan əvvəl Rusiya şirkətlərinə və vətəndaşlarına “xarici agent” siyahısına salınmış şəxslərin resurslarında reklam yerləşdirməyi qadağan edən qanun imzalayıb. Qanun xarici agentlərin resurslarının reklamını da qadağan edir. Yeni qanunun tələblərinin pozulmasına görə reklam verən və reklam yayımlayan şəxs məsuliyyət daşıyacaq.
