Ən yaxşı termosu necə seçməliyik?- TÖVSİYƏLƏR

Termos seçərkən ilk növbədə onun növünə qərar verməlisiniz: düyməli olsun və ya qapaqlı.

Azpost.info xəbər verir ki, mütəxəssislərə görə, düymələri istifadə etmək daha rahat olsa da, onlar tez bir zamanda tıxanıb sızmağa başlaya bilərlər. Bu da gigiyena baxımından ən yaxşı seçim deyil, çünki düyməni həmişə təmiz əllərlə basmaq mümkün deyil.

Qapaqlı termosların sınması çətindi, lakin onları iki əllə açmalısınız. Bu da həmişə əlverişli olmaya bilər.

Termosun özü nə qədər böyük olsa, yüksək temperaturu bir o qədər uzun saxlayacaq. Əgər 6 saatdan sonra içindəki qaynar su 78 dərəcəyə, 24 saatdan sonra 50 dərəcəyə qədər soyuyursa, o termos həqiqətən yüksək keyfiyyətlidir. Bu göstəricilər yalnız termos qapalı halda ikən, yəni açılmadıqda olmalıdır.

Növbəti məqam termosun materialıdır. Termos şüşə və ya metal ola bilər. Şüşədə maye adətən daha uzun müddət isti qalır, lakin içərisində istilik tıxacdan çıxa bilər. Metal olanlarda istilik itkisini azaltmaq üçün vintli tıxacdan istifadə olunur.

Metal termos, şüşə olanından daha dayanıqlıdır. Şüşənin sınması və zədələnmısi daha asandır.

Termosun həcminə gəldikdə, litrlik bir versiya bir neçə nəfər üçün uyğundur. Ancaq qısa gəzintilər üçün termos almaq istəyirsinizsə, onda 0,5 litr həcm kifayətdir. Qəhvə həvəskarları üçün 0,35 litrlik termos, yeməkləri isti saxlamaq istəyənlər üçün isə geniş boğazlı variant yararlı olacaq.

Azpost.info

Əvvəlki məqalə

Təhlükəsizlik Şurasının katibi Ramil Usubov Gürcüstana gedib

Sonrakı məqalə

COVID-19 virusu bədəndə bir ildən çox qala bilir