Ermənistan Naxçıvan və Gədəbəydəki mövqelərimizi atəşə tutub

12 Avqust 2021 - 00:01

Ermənistan atəşkəsi yenə pozub.

Azpost.info bildirir ki, bu barədə Müdafiə Nazirliyi məlumat yayıb.

Avqustun 11-i saat 16:20-dən 21:05-dək Ermənistan silahlı qüvvələrinin bölmələri Vedi rayonunun Arazdəyən, Basarkeçər rayonunun Göysu yaşayış məntəqələrində və Çəmbərək rayonu ərazisində yerləşən mövqelərindən Naxçıvan Muxtar Respublikasının Sədərək rayonunun Heydərabad, Gədəbəy rayonunun Qalakənd və Zamanlı yaşayış məntəqələri istiqamətində yerləşən Azərbaycan Ordusunun mövqelərini fasilələrlə müxtəlif çaplı silahlardan, o cümlədən snayper tüfənglərindən atəşə tutub.