Ermənistanın Televiziya və Radio Komissiyası Rusiya televiziya kanallarının, xüsusən də “RTR-Planeta” və “Birinci Kanal Ümumdünya Şəbəkəsi”nin yayımında pozuntular aşkarlayıb.
Azpost.info xəbər verir ki, bu barədə Komissiyanın rəhbəri Tiqran Akopyan bildirib.
Onun sözlərinə görə, ölkə vaxtaşırı Rusiyanın bəzi kanallarında tok-şouların məzmunu ilə bağlı məsələ qaldırır.
Bundan əvvəl hakim fraksiyadan olan deputat Lusine Badalyan antierməni məzmununa görə Rusiya telekanallarının yayımının dayandırılmasını təklif edib ki, bu da onun fikrincə, ölkənin milli təhlükəsizliyinə təhdiddir.
“Düşünürəm ki, müəyyən addımlar atılacaq, çünki dövlətin təhlükəsizliyinə nəsə təhlükə yarandıqda, fayda verib-verməməsindən asılı olmayaraq, bu addımlar atılmalıdır”, – Badalyan bildirib.
Azpost.info
