Ermənistan Ordusu yerli “Davaro” şirkətinin istehsalı olan “Drakon” adlı “gəzən sursat”ın (kamikadze dron) sınaqlarına başlayıb.
Azpost.info “AzeriDefence” hərbi jurnalına istinadən bildirir ki, bu barədə Dağlıq Qarabağdakı separatçı rejimə bağlı sosial şəbəkələrdəki səhifələrdə video görüntülər nümayiş etdirilib.
Sınaqların Ermənistanın işğalı altında olan Ağdam rayonunun Uzundərə ərazisində salınmış poliqonda çəkildiyi bildirilir.
“Davaro” şirkəti tərəfindən hazırlanmış “Drakon” gəzən sursatın uçuş uzaqlığı 100 km, çəkisi 15 kq, maksimal sürəti 180 km/saat təşkil edir.
