Ermənistan İstintaq Komitəsi Tavuş vilayətində Azərbaycanla delimitasiyaya qarşı keçirilən etiraz aksiyasında bir neçə hərbi geyimli şəxsin iştirakı ilə bağlı iddiaları araşdırır.
Azpost.info xəbər verir ki, bu barədə idarənin mətbuat xidmətindən məlumat verilib.
İş üzrə cinayət işi açılıb, araşdırma aparılır.
Aprelin 26-da axşam sərhəddə yerləşən Kirants kəndində etiraz aksiyası keçirilib. Bir sıra erməni KİV-ləri hərbi geyimli insanların etirazçıların yanında dayandığını əks etdirən video yayımlayıb. Ermənistan Müdafiə Nazirliyi videogörüntülərdə çəkilən hərbi geyimli şəxslərin kimliyini müəyyən etmək üçün tədbirlər görəcəyini bildirib.
Azpost.info
