“Ermənistan MDB üzvü olan digər ölkələrə münasibətdə özünü heç də həmişə tərəfdaş kimi aparmır”.
Azpost.info xəbər verir ki, bunu Bişkekdə MDB sammitini açan Belarus prezidenti Aleksandr Lukaşenko deyib.
O qeyd edib ki, Qərbin hərəkətləri səbəbindən MDB tədricən Gürcüstan və Ukrayna ilə əlaqəni kəsib. Bununla yanaşı, Moldovanın keçmiş SSRİ ölkələrinə münasibəti ilə bağlı çoxlu suallar var.
“Nəzərinizə çatdırım ki, MDB-nin yaradılmasında əsas məqsəd Sovet İttifaqının dağılmasından sonra əlaqələrin kəsilməsinin qarşısını almaq idi. Bu, bu günə qədər bizi sarsıtmaq, zəiflətmək və öz maraqlarına tabe etmək cəhdlərindən əl çəkməyən Qərbə sərf etmirdi. Gürcüstan bizim birlikdən çıxdı, Ukrayna de-fakto bizimlə deyil, Moldova ilə bağlı böyük suallar var. Ermənistan isə təəssüf ki, heç də həmişə özünü tərəfdaş kimi aparmır”, – Lukaşenko bildirib.
Azpost.info
