Estoniya yanvarın sonunda ölkədəki dondurulmuş Rusiya aktivlərinin müsadirə edilməsi ilə bağlı hüquqi mexanizm təqdim etməyi planlaşdırır.
Azpost.info xəbər verir ki, Estoniyanın öz planını Avropa Komissiyasının Rusiya Mərkəzi Bankının 300 milyard avroluq dondurulmuş ehtiyatları və sanksiyaya məruz qalan rusların vəsaitləri ilə necə məşğul olacağına dair sazişinə qədər təqdim edəcəyi gözlənilir.
Yanvarın 3-də “Bloomberg” agentliyi Almaniya hökumətinin ölkədə dondurulmuş Rusiya aktivlərinin həbsi məsələsində vahid mövqeyə malik olmadığını bildirmişdi. Agentliyin məlumatına görə, Almaniyanın xarici işlər naziri Annalena Berbok Rusiya aktivlərinin heç olmasa bir hissəsinin Ukraynanın bərpası üçün istifadə edilməsində israr edir. Bu mövqeyi Yaşıllar Partiyasından olan digər siyasətçilər də bölüşürlər.
Azpost.info
