Finlandiya nümayəndə heyəti oktyabrın 25-də Ankarada ölkənin NATO-ya üzvlüyü və terror təşkilatları üzvlərinin Türkiyəyə ekstradisiyası məsələlərini müzakirə edəcək.
Azpost.info xəbər verir ki, bu barədə Türkiyə mediası məlumat yayıb.
Məlumata görə, Finlandiya Ədliyyə Nazirliyinin rəsmiləri Ankarada türkiyəli həmkarları ilə görüşəcək. Bu danışıqlar zamanı Türkiyə təmsilçiləri FETÖ və Türkiyədə terrorçu kimi tanınan PKK üzvlərinin ekstradisiyası üçün müraciətlərini yenidən Finlandiya nümayəndə heyətinin diqqətinə çatdıracaqlar.
Qeyd edək ki, NATO-ya namizəd ölkələr iyunun 28-də alyansın Madrid sammiti çərçivəsində Türkiyə ilə üçtərəfli memorandum imzalayıb və cinayət təşkilatlarına qarşı mübarizədə fəal əməkdaşlığa söz veriblər.
Azpost.info
