Finlandiya gömrüyü rus iş adamlarına və ya onların şirkətlərinə məxsus olduğu ehtimal edilən 21 yaxtanı saxlayıb.
Azpost.info xəbər verir ki, bu barədə “Helsingin Sanomat” qəzeti məlumat yayıb. Hazırda gömrükçülər bu yaxtaların Avropa İttifaqının sanksiya siyahısına daxil edilmiş şəxslərə aid olub-olmadığını araşdırır. Ehtimallar təsdiqlənsə, yaxtalar müsadirə şöbəsinə təhvil veriləcək. Eyni zamanda bildirilir ki, bundan əvvəl gömrük orqanları Finlandiya qış anbarında olan bir yaxtanı müsadirə ediblər. Söhbət, Rusiyanın keçmiş prezidenti Dmitri Medvedevin istifadə etdiyi 32 metrlik “Fotinia” yaxtasından gedir. Azpost.info
