“Moskva-Vaşinqton münasibətləri qopma nöqtəsinə çatıb” –

Moskva ilə Vaşinqton arasında münasibətlər qopma nöqtəsinə çatıb. Münasibətləri saxlamaq üçün ABŞ Rusiyaya qarşı təhdidləri, eləcə də Ukraynaya silah tədarükünü dayandırmalıdır.

Azpost.info xəbər verir ki, bunu Rusiya xarici işlər nazirinin müavini Sergey Ryabkov deyib. “Dünən Amerika səfirinə etiraz notası verilib və baş verənlərin münasibətləri pozmaq ərəfəsində olduğu qeyd edilib”, – Ryabkov bildirib.

Onun sözlərinə görə, Rusiya ilə münasibətləri normallaşdırmaq üçün ABŞ Moskvaya qarşı təhdidləri dayandırmalı, həmçinin Kiyevə təsir göstərməlidir: “Rusiyaya qarşı təhdidləri dayandırmalıdırlar. Əgər Kiyevə müsbət təsir göstərə bilsələr, o zaman münasibətlərin normallaşması üçün müəyyən perspektiv yaranacaq”.

Azpost.info